Հունվարի 24-ին Շվեյցարիայի Լոզան քաղաքում կայացավ ՈւԵՖԱ-ի Ազգերի Լիգայի խմբային փուլի վիճակահանությունը: D դիվիզիոնում ընդգրված Հայաստանի հավաքականը հայտնվեց չորրորդ խմբում, որտեղ մրցելու է Մակեդոնիայի, Լիխտենշտեյնի եւ Ջիբրալթարի ընտրանիների հետ:
Դիվիզիոն A
Խումբ 1. Գերմանիա, Հոլանդիա, Ֆրանսիա
Խումբ 2. Բելգիա, Իսլանդիա, Շվեյցարիա
Խումբ 3. Պորտուգալիա, Լեհաստան, Իտալիա
Խումբ 4. Իսպանիա, Անգլիա, Խորվաթիա
Դիվիզիոն B
Խումբ 1. Սլովակիա, Ուկրաինա, Չեխիա
Խումբ 2. Ռուսաստան, Շվեդիա, Թուրքիա
Խումբ 3. Ավստրիա, Բոսնիա և Հերցեգովինա, Հյուսիսային Իռլանդիա
Խումբ 4. Ուելս, Իռլանդիա, Դանիա
Դիվիզիոն C
Խումբ 1. Շոտլանդիա, Ալբանիա, Իսրայել
Խումբ 2. Հունգարիա, Հունաստան, Ֆինլանդիա, Էստոնիա.
Խումբ 3. Սլովենիա, Նորվեգիա, Բուլղարիա, Կիպրոս
Խումբ 4. Ռումինիա, Սերբիա, Չերնոգորիա, Լիտվա
Դիվիզիոն D
Խումբ 1. Վրաստան, Լատվիա, Ղազախստան, Անդորրա
Խումբ 2. Բելառուս, Լյուքսեմբուրգ, Մոլդովա, Սան-Մարինո
Խումբ 3. Ադրբեջան, Ֆարերյան կղզիներ, Մալթա, Կոսովո
Խումբ 4. Մակեդոնիա, Հայաստան, Լիխտենշտեյն, Ջիբրալթար
Առաջին տուրի խաղերը կկայանան 2018 թվականի սեպտեմբերի 6-ից 8-ը, երկրորդ տուրի խաղերը` սեպտեմբերի 9-ից 11-ը, 3-րդ տուրի խաղերը` հոկտեմբերի 11-13-ը, 4-րդ տուրի` հոկտեմբերի 14-16-ը, 5-րդ տուրի` նոյեմբերի 15-17-ը, 6-րդ տուրի` նոյեմբերի 18-20-ը:
Ազգերի լիգայում վիճարկվելու են Եվրո-2020-ի եզրափակիչ փուլի 4 ուղեգրեր: Այդ ուղեգրերի համար անցումային խաղերում կպայքարեն Ազգերի լիգայի 16 խմբերի հաղթողները: Անցումային խաղերն անցկացվելու են դիվիզիոնների ներսում: Դա նշանակում է, որ Եվրո-2020-ի ուղեգիր է նվաճելու յուրաքանչյուր դիվիզիոնից մեկական հավաքական: Եթե անցումային խաղերի իրավունք ստացած հավաքականն արդեն ապահովել է Եվրո-2020-ի ուղեգիր, ապա նրան կփոխարինի այդ դիվիզիոնի հաջորդ ամենաբարձր վարկանիշով թիմը: Եթե դիվիզիոնում չհավաքվեն անցումային խաղերի համար 4 թիմեր, ապա մասնակցիների ընտրությունը կկատարվի ըստ վարկանիշների: