1. Նախընտրական ելույթներում պատգամավորության թեկնածուները սովորաբար ի՞նչ են խոստանում բարձրացնել: (1 միավոր)
Ա — Ծանրաձող
Բ — Հեղինակություն
Գ — Աշխատավարձ
Դ — Տրամադրություն
2. Հայկական հեքիաթ. «Պրծա՜վ, Քաջ Նազարը էլ … (ո՞ւր) գնացողը չէ»: (1 միավոր)
Ա — Ընտրության
Բ — Կռիվ
Գ — Գրողի ծոցը
Դ — Հարևանի կնոջ ծոցը
3. Ի՞նչ են անում Ազգային ժողովի նիստը: (1 միավոր)
Ա — Գումարում
Բ — Հանում
Գ — Արմատ հանում
Դ — Արմատախիլ անում
4. Նշված բառերից գոյություն ունի միայն մեկը: Ո՞րը: (1 միավոր)
Ա — Գրպանմտուկ
Բ — Բերանմտուկ
Գ — Ականջմտուկ
Դ — Խորհրդարանմտուկ
5. Ո՞վ է հայրենի երկիրը լքած մարդը, գաղթականը: (1 միավոր)
Ա — Պաշտոնանկ նախարարը
Բ — Պարտված թեկնածուն
Գ — Հիասթափված գյումրեցին
Դ — Պանդուխտը
6. Ի՞նչ կամ ո՞վ է էլեկտորատը: (1 միավոր)
Ա — Հոսանքի դիմադրողականության միավոր
Բ — «Լևի» քաշած էլեկտրալար
Գ — Ընտրազանգված
Դ — «Տոկի տված» զանգվածներ
7. Այդ անվանումով լոտո Հայաստանում դեռ չի եղել: (2 միավոր):
Ա — Բարի
Բ — Համով
Գ — Ընտանեկան
Դ — Պատգամավորական
8. Պ.Դուրյան, «Լճակ». «… Զի քու խորքիդ մեջ անձկավ… ո՞վ նայեցավ»: (2 միավոր)
Ա — Հուսահատ մը
Բ — Չոր թոշակով ապրող մը
Գ — Երեսփոխան մը
Դ — Մոլոր-շիվար ընտրող մը
9. Մեր երկրի տնտեսության համար հատկապես վտանգավոր է հենց այդ համակարգը: (2 միավոր)
Ա — Ազատ
Բ — Պլանային
Գ — Կլանային
Դ — Կու-կլուքս-կլանային
10. Ո՞ւմ ձին պետք է թամբած լինի, ըստ հայկական առածի: (2 միավոր)
Ա — Սուտ խոստումներ տվողի
Բ — Ճիշտ խոսողի
Գ — Նիկոլ Փաշինյանի
Դ — Սերժ Սարգսյանի
11. Ովքե՞ր չեն դավաճանում` համաձայն ՀՅԴ կարգախոսի: (2 միավոր):
Ա — Ընկերների ընկերուհիները
Բ — Հին ընկերները
Գ — ՀԱԿ-ից թռածները
Դ — ՀՀԿ օլիգարխները
12. Չերնիշևսկին ո՞ր վեպում է շարադրել իր ազատատենչ գաղափարները: (2 միավոր)
Ա — «Ի՞նչ ուտել»
Բ — «Ի՞նչ անել»
Գ — «Ո՞ւմ ընտրել»
Դ — «Ո՞ւմ տունը քանդել»
13. Ո՞վ է զբաղեցրել ԽՍՀՄ ղեկավարի պաշտոնը 16 տարի շարունակ: (2 միավոր)
Ա — Նիկոլ Վովայիչը
Բ — Լեոնիդ Իլյիչը
Գ — Վլադիմիր Իլյիչը
Դ — Վլադիմիր Վլադիմիրովիչը
14. Ի՞նչ է Ձեր անունը (1 միավոր):
Ա — Չոմբե
Բ — Լոմբե
Գ — Նդումբուկ
Դ — գրեք Ձեր անունը
Հուշում. եթե Ձեր անունը կհամընկնի Ա, Բ, Գ տարբերակների հետ, ուրեմն Դուք աֆրիկական երկրներից մեկի գործակալ եք (օրինակ` Զիմբաբվեի), տես արդյունքների 3-րդ կետը և հետևիր այդ կետում նշված հրահանգներին:
Ամփոփեք արդյունքները.
1. Եթե Ձեր IQ=21 («օչկո») միավոր, ուրեմն լավ եք իրազեկված, հստակ գիտեք՝ ինչ եք ուզում: Հետևաբար, արխային գնացեք ընտրությունների` երկրի ապագան Ձեր ձեռքում է: Այսինքն, մեր հաջորդ «բեզպիծիմինուտ» վարչապետը Դուք եք (ախր որտե՞ղ էիք մինչև հիմա):
2. Եթե Ձեր IQ=2-5 միավոր, ուրեմն այնքան էլ իրազեկված չեք, բայց էլի արխային գնացեք ընտրությունների, կամ արխային մի գնացեք, բան չի փոխվի: Միևնույն է՝ այդ դեպքում ապագան մնալու է նույնը` պայծառ ու անհասանելի:
3. Եթե Ձեր IQ=0 կամ գոնե 1 (տես 14-րդ հարցը), ուրեմն կարող եք ընտրության չգնալ, մնացեք տանը, որ Ձեզ հեշտ գտնեն: Ում որ պետք է, նա էլ կգա Ձեր ետևից, օրինակ՝ Վանեցյանը:
4. Եթե Ձեր հավաքած միավորների մեկնաբանությունը չեք գտնի 1-3 կետերում, ուրեմն արխային եղեք` Դուք շա՜տ նորմալ մարդ եք: Բայց «նորմալ մարդ» և «նորմալ ընտրող» բառերի միջև շա՜տ մեծ տարբերություն կա:
Պատասխաններ
1-Գ: 2-Բ: 3-Ա: 4-Գ: 5-Դ: 6-Գ: 7-Դ: 8-Ա: 9-Գ: 10-Բ: 11-Բ: 12-Բ: 14-Բ (Բրեժնև): 15-Դ (ի՞նչ է Ձեր անունը):
Կազմեց` ԱՇՈՏ ԳՈՄՑՅԱՆԸ