«Շրջապատը» տպագրում է կյանքի իրական պատմություններ: Գրեք shrjapat@gmail.com հասցեով կամ այցելեք մեզ` անձամբ կիսվելով ձեր հոգում կուտակվածով: Գաղտնիությունը երաշխավորում ենք:

Բա, ես հիմա ի՞նչ եմ անելու… երեխեքին ի՞նչ տանեմ
ՀԱՅՐԱՔԱՂԱՔ | ՀԱՍԱՐԱԿՈՒԹՅՈՒՆ | ՃԱԿԱՏԱԳՐԵՐ

Բա, ես հիմա ի՞նչ եմ անելու… երեխեքին ի՞նչ տանեմ

Խանութպանը ինչ ու ինչքան կարողացել է՝ տվել է… Տղամարդը արցունքներն հազիվ զսպած, անխոս, միայն կարողացել է արտաբերել. “Էս փորձությունն էլ կանցնինք… Աստված օգնական”, ու գլխահակ հեռացել է:

Երկու ստվեր սպիտակ սավանի վրա
ՃԱԿԱՏԱԳՐԵՐ

Երկու ստվեր սպիտակ սավանի վրա

Երկու օր հետո հերթական բժշկական ստուգումն էր անցնելու։ Շուրջ երեք ամիս էր, ինչ ապրում էր բժիշկների կցկտուր խոստումներից կառչած, հույս փայփայելով, որ դեռ ամեն ինչ կորած չէ։ Սկզբից ևեթ որոշել էր. Անահիտին ամեն ինչ կպատմի միայն բարեհաջող ավարտից հետո, բայց հիմա այդ ավարտին ինքն էլ արդեն չէր հավատում…

41 արդյունաբերական ձեռնարկություն ուներ Լենինականը…
ՀԱՅՐԱՔԱՂԱՔ | ՃԱԿԱՏԱԳՐԵՐ

41 արդյունաբերական ձեռնարկություն ուներ Լենինականը…

Վազեցի ինստիտուտ, իրոք փլված էր, մտածեցի՝ տուն գնամ, գուցե կինս հասցրել է դուրս գալ: Մեր տունը 16-հարկանի շենքում էր, ինչպես գիտեք՝ չէր փլվել: Մեծ աղջիկս տանն էր եղել, իսկ փոքրս 7-րդ դպրոցում էր, որը նույնպես չէր փլվել: Իրար գտանք, սպասեցինք, սպասեցինք… Կինս չեկավ… Հետ գնացի ինստիտուտ: Ծանոթ տղաների հանդիպեցի: Ցույց տվեցին, որ կինս փախչելիս մնացել է աստիճանների փլատակների տակ…

«Թող երբեք պատերազմ չտեսնեն մեր երեխաները»
ՀԱՅՐԱՔԱՂԱՔ | ՃԱԿԱՏԱԳՐԵՐ

«Թող երբեք պատերազմ չտեսնեն մեր երեխաները»

Մենք տեսել ենք, գիտենք, թե ինչ է պատերազմը. սարսափ է, ճակատագրերի խեղում է, մարդկային կյանքերի կորուստ է, ավիրածություն է: Թող քաղաքական այրերը շատ արագ լուծեն Ղարաբաղի հարցը, որը չի թողնում, որ մեր երկիրը զարգանա, որը մեծ կորուստներ է պատճառում մեր երկրին՝ թե՛ մարդկային, որն ամենակարևորն է, թե՛ տնտեսական:

Հիմնականում փլվեցին լենինգրադյան նախագծով շինությունները
ՀԱՅՐԱՔԱՂԱՔ | ՃԱԿԱՏԱԳՐԵՐ

Հիմնականում փլվեցին լենինգրադյան նախագծով շինությունները

Երկրաշարժին փլվեցին հիմնականում լենինգրադյան նախագծերով շենքերը: Դեռ այն ժամանակներին, երկրաշարժից առաջ, տրեստի կառավարչին ուզում էին դատել, Մոսկվայից եկան ստուգումների, գտան, որ հիմնական սխալը միացումների մեջ է, որոնք պետք է պահեին շենքը… Եթե բուն մեղավորը տրեստի ղեկավարը լիներ, նրան հաստատ կդատեին, բայց մեղավորությունը նախագծողներինն էր… Բայց, միայն նախագծողների վրա էլ չեմ գցում ողջ մեղավորությունը, մեղավորները շատերն էին. անպատասխանատու աշխղեկներ, անփույթ շինարարներ…

Ամեն մեկը յուրովի ինչ-որ ժամանակահատված խելագարվեց ու հետո վերադարձավ
ՀԱՅՐԱՔԱՂԱՔ | ՃԱԿԱՏԱԳՐԵՐ

Ամեն մեկը յուրովի ինչ-որ ժամանակահատված խելագարվեց ու հետո վերադարձավ

«Լենինականը կա մեր գլխում, մեր մտքում: 30 տարի առաջ Լենինականը դեռ կար, դրանից հետո էլ շուրջ 10 տարի էլ կար, բայց վերջին 10-ամյակի ընթացքում ասես վերջին շունչն էր տալիս… Երկրաշարժը նրան ագոնիկ վիճակի մեջ էր գցել, այդ հոգեվարքային վիճակն ավարտվեց ու Լենինականն էլ չեղավ: Ու դա ինձ համար շատ տխուր է…»

«Ես ու ընկերս 10 րոպե ուշացանք… փրկվեցինք»
ՀԱՅՐԱՔԱՂԱՔ | ՃԱԿԱՏԱԳՐԵՐ

«Ես ու ընկերս 10 րոպե ուշացանք… փրկվեցինք»

Պատմում է Գերմանիայի Դաշնային Հանրապետության պատվո հյուպատոս, «Բեռլին Հյուրերի տան» տնօրեն Ալեքսան Տեր-Մինասյանը. «Սկզբում առաջնային էր փրկարարական գործողությունները, փորձում էինք ողջ մնացածներին գտնել, դուրս հանել, իսկ հետո արդեն անցանք գործարանը փրկելու՝մտածելով, որ նորից հնարավոր կլինի վերականգնել, հույսը մեծ էր, չնայած, որ շատ արտադրամասեր հիմնովին փլուզվել էին: Քարերն հանելով, դասավորում էինք, համարակալում, կրակի մոտ գիշերում, առավոտյան նորից շարունակում…»

«Լենինականը ղայդին մարդկանց քաղաք էր»
ՀԱՅՐԱՔԱՂԱՔ | ՃԱԿԱՏԱԳՐԵՐ

«Լենինականը ղայդին մարդկանց քաղաք էր»

Մենք հին ազգ ենք, մենք ամեն ինչ տեսած ենք, ամեն ցավ ապրած ենք, մենք տանջված ազգ ենք, մեր արյան գենում ունենք ու կրում ենք այդ ինֆորմացիան: Մենք մեզ համար ըշտը հոգեբան էինք: Տեսեք, իմ կոլեկտիվի անդամների տներում կարծում եք վիշտ չէ՞ր եղել. բոլորն էլ զոհեր ունեին, գնացին մեկ օրով, բայց ետ եկան, որովհետև հասկանում էին, որ իրենց օգնության կարիքը կա: Մենք 3 ամիս մեքենաների մեջ ենք քնել, հենց կանչ էր լինում, երկու հոգի գնում էր…

Թատրոնն իմ տունն է, ու սրբության պես պահպանեցինք
ՀԱՅՐԱՔԱՂԱՔ | ՃԱԿԱՏԱԳՐԵՐ

Թատրոնն իմ տունն է, ու սրբության պես պահպանեցինք

Երևանում, մինչև ժամը 3-ը սիմֆոնիկ երաժշտություն էր հնչում ռադիոյով, ու ոչ մեկս տեղյակ չէինք, թե ինչ է կատարվել… Միայն հայտարարում էին՝ ուշադրություն, շատ կարևոր լուր շուտով: Թեպետ Երևանում էլ ցնցումը զգացվեց, բայց դա չհուշեց, թե ինչպիսի ողբերգության մեջ էինք ընկել: Իսկ ժամը 3-ին հայտարարեցին, թե խուճապի չմատնվեք… Լենինականում ահավոր աղետ է տեղի ունեցել…

«Աղմուկ լսելիս, մինչեւ հիմա առաստաղից կախված լամպին ենք նայում…»
ՀԱՅՐԱՔԱՂԱՔ | ՃԱԿԱՏԱԳՐԵՐ

«Աղմուկ լսելիս, մինչեւ հիմա առաստաղից կախված լամպին ենք նայում…»

30 տարի առաջ… Հիշողությունների այն կետը, որտեղից մեր կյանքը բաժանվեց երկու մասի՝ առաջ ու հետո… Այնտեղից հետո մրմուռ ու կսկիծ, չսպիացող վերք է, որ ամեն պատահած պահի ցավեցնում է, կոկորդդ սեղմում… Ականջներիդ մեջ քաոս է, չդադարող հեկեկոց, աչքերիդ առաջ արյունը սառեցնող պատկերներ, որոնք մերթընդմերթ կինոժապավենի պես պտտվում են, պտտվում են…